დიოკნისის საჯარო სკოლაში დედა ენის დღეს ღონისძიება „ენა დედაა ერისა“ მიეძღვნა
18-04-2019
ხულოს მუნიციპალიტეტის დიოკნისის საჯარო სკოლაში დედა ენის დღე აღნიშნეს.
სკოლის მოსწავლეებმა ღონისძიებაზე „ენა დედაა ერისა“ ლექსები და სიმღერები წარმოადგინეს.
დედა ენის დღე საქართველოში 1990 წლიდან 14 აპრილს აღინიშნება. 1978 წლის 14 აპრილს კონსტიტუციაში სახელმწიფო ენის შესახებ ჩანაწერის ცვლილების წინააღმდეგ თბილისში სტუდენტური მანიფესტაციები დაიწყო. ცვლილების მიხედვით, საქართველოს რესპუბლიკაში ქართული ენის, როგორც სახელმწიფო ენის სტატუსი უქმდებოდა. მანიფესტაციების შედეგად, ქართულ ენას სახელმწიფო ენის სტატუსი შეუნარჩუნდა.
იხილეთ ფოტოები
სკოლების სიახლეები
