იმერეთის რეგიონის სკოლის დირექტორების შეხვედრაზე საგანმანათლებლო დაწესებულებებში არსებული პრობლემები განიხილეს
23-03-2017
დირექტორთა საბჭოს წევრი და სიქთარვის სკოლის დირექტორი ია კვატაია იმერეთის რეგიონის სკოლის დირექტორებსა და რესურსცენტრის წარმომადგენლებს შეხვდა. რა საკითხები განიხილეს შეხვედრაზე, ამასთან დაკავშირებით Etaloni.ge ია კვატაიას ესაუბრა:
''კომუნიკაცია იმერეთის რეგიონის დირექტორებთან ტელეფონისა თუ ელ-ფოსტის საშუალებით დირექტორთა საბჭოს წევრად არჩევის დღიდან მაქვს. თუმცა მათთან პირისპირ საუბარი იმ საკითხებზე, რაც დირექტორთა საბჭოს სხდომებზე განიხილება, დიალოგი მათთვის საინტერესო თემებზე კომუნიკააციის გაცილებით მოსახერხებელი ფორმა იქნებოდა. ამიტომ გადავწყვიტე მათთან შეხვედრა. ამ ეტაპისთვის ჭიათურის, საჩხერის, ხარაგაულისა და ზესტაფონის სკოლის დირექტორებსა და რესურსცენტრის წარმომადგენლებს შევხვდი. უახლოეს დღეებში რაიონის დარჩენილ წარმომადგენლებსაც შევხვდები.
- რა პრობლემები გამოიკვეთა შეხვედრაზე?
- დირექტორებთან შეხვედრისას გამოკვეთილი პრობლემები, ძირითადად, ერთი და იმავე ხასიათის იყო: სკოლების დაფინანსების იმგვარი მოდელი, რაც სკოლების ფინანსური მდგომარეობის თანაბარ პირობებს უზრუნველყოფს, დანამატი საგნობრივ ჯგუფში შემავალი საგნების შესახებ - უცხო ენების მსგავსად, სასურველია, გამიჯნული იყოს სხვა საგნებიც, წყლის უვნებლობის, ტყეკაფის გამოყოფის, ბუფეტთან დაკავშირებული პრობლემები, საავადმყოფოს ფურცელზე მყოფი პედაგოგის დანამატის ანაზღაურება, სასურველი შტატების არარსებობა სკოლებში, მე-11 კლასში საბუნებისმეტყველო საგნების აბიტური, კომუნალური გადასახადების, კონკრეტულად, გაზის გაზრდილი ტარიფი, სკოლის ბიბლიოთეკებში არსებული უვარგისი წიგნების საკითხი და სხვა. მიუხედავად პრობლემებისა, ამ ადამიანების დამოკიდებულება თავიანთი მოვალეობის მიმართ ნამდვილად დადებითია. აწუხებთ მოუწესრიგებელი ინფრასტრუქტურა, დიდი ძალისხმევის ფასად უჯდებათ არსებულ პრობლემებთან გამკლავება, იქნება ეს კომუნალური, უსაფრთხო გარემოსა თუ სასწავლო კუთხით, სკოლაში არსებული ფინანსებით უჭირთ იმ სტრატეგიული გეგმის განხორციელება, რაც მიზნად აქვთ დასახული, მაგრამ იმ შესაძლებელს მაინც აკეთებენ, რაც განათლებისა და მეცნიერების მინისტრის, ბატონ ალექსანდრე ჯეჯელავას ერთ-ერთი ძირითადი მესიჯია: ''ჩვენ არ მოგთხოვთ იმას, რაც თქვენს პირობებში არაა შესაძლებელი.''
- როგორია ამ რეგიონის სკოლების ჩართულობა განათლებისა და მეცნიერების სამინისტროს ახალ პროექტში - ''თავისუფალი გაკვეთილები''?
- მისასალმებელი ფაქტია, რომ სკოლები აქტიურად არიან ჩართული თავისუფალი გაკვეთილების პროექტში ოთხივე მიმართულებით. განსაკუთრებული პრიორიტეტი სპორტული აქტივობები და ჯანსაღი ცხოვრების დამკვიდრებაა.
''კომუნიკაცია იმერეთის რეგიონის დირექტორებთან ტელეფონისა თუ ელ-ფოსტის საშუალებით დირექტორთა საბჭოს წევრად არჩევის დღიდან მაქვს. თუმცა მათთან პირისპირ საუბარი იმ საკითხებზე, რაც დირექტორთა საბჭოს სხდომებზე განიხილება, დიალოგი მათთვის საინტერესო თემებზე კომუნიკააციის გაცილებით მოსახერხებელი ფორმა იქნებოდა. ამიტომ გადავწყვიტე მათთან შეხვედრა. ამ ეტაპისთვის ჭიათურის, საჩხერის, ხარაგაულისა და ზესტაფონის სკოლის დირექტორებსა და რესურსცენტრის წარმომადგენლებს შევხვდი. უახლოეს დღეებში რაიონის დარჩენილ წარმომადგენლებსაც შევხვდები.
- რა პრობლემები გამოიკვეთა შეხვედრაზე?
- დირექტორებთან შეხვედრისას გამოკვეთილი პრობლემები, ძირითადად, ერთი და იმავე ხასიათის იყო: სკოლების დაფინანსების იმგვარი მოდელი, რაც სკოლების ფინანსური მდგომარეობის თანაბარ პირობებს უზრუნველყოფს, დანამატი საგნობრივ ჯგუფში შემავალი საგნების შესახებ - უცხო ენების მსგავსად, სასურველია, გამიჯნული იყოს სხვა საგნებიც, წყლის უვნებლობის, ტყეკაფის გამოყოფის, ბუფეტთან დაკავშირებული პრობლემები, საავადმყოფოს ფურცელზე მყოფი პედაგოგის დანამატის ანაზღაურება, სასურველი შტატების არარსებობა სკოლებში, მე-11 კლასში საბუნებისმეტყველო საგნების აბიტური, კომუნალური გადასახადების, კონკრეტულად, გაზის გაზრდილი ტარიფი, სკოლის ბიბლიოთეკებში არსებული უვარგისი წიგნების საკითხი და სხვა. მიუხედავად პრობლემებისა, ამ ადამიანების დამოკიდებულება თავიანთი მოვალეობის მიმართ ნამდვილად დადებითია. აწუხებთ მოუწესრიგებელი ინფრასტრუქტურა, დიდი ძალისხმევის ფასად უჯდებათ არსებულ პრობლემებთან გამკლავება, იქნება ეს კომუნალური, უსაფრთხო გარემოსა თუ სასწავლო კუთხით, სკოლაში არსებული ფინანსებით უჭირთ იმ სტრატეგიული გეგმის განხორციელება, რაც მიზნად აქვთ დასახული, მაგრამ იმ შესაძლებელს მაინც აკეთებენ, რაც განათლებისა და მეცნიერების მინისტრის, ბატონ ალექსანდრე ჯეჯელავას ერთ-ერთი ძირითადი მესიჯია: ''ჩვენ არ მოგთხოვთ იმას, რაც თქვენს პირობებში არაა შესაძლებელი.''
- როგორია ამ რეგიონის სკოლების ჩართულობა განათლებისა და მეცნიერების სამინისტროს ახალ პროექტში - ''თავისუფალი გაკვეთილები''?
- მისასალმებელი ფაქტია, რომ სკოლები აქტიურად არიან ჩართული თავისუფალი გაკვეთილების პროექტში ოთხივე მიმართულებით. განსაკუთრებული პრიორიტეტი სპორტული აქტივობები და ჯანსაღი ცხოვრების დამკვიდრებაა.
სკოლების სიახლეები
