ხანდოს საჯარო სკოლაში ქართული ენის დღისადმი მიძღვნილი კვირეულის ფარგლებში სხვადასხვა ღონისძიება გაიმართა
19-04-2019
ახალქალაქის მუნიციპალიტეტის ხანდოს საჯარო სკოლაში ქართული ენის დღისადმი მიძღვნილი კვირეულის ფარგლებში კალიგრაფიის კონკურსი და ვიქტორინა „ვიცი, მინდა ვიცოდე“ გაიმართა.
ვიქტორინაში მონაწილეობდნენ X-XI კლასის მოსწავლეები. მათ მოამზადეს პრეზენტაციები ქართული დამწერლობის სახეების შესახებ და გააცნეს დამსწრე საზოგადოებას.
„ვიქტორინის პროგრამა მრავალფეროვანი და საინტერესო იყო. მოსწავლეებმა გამოავლინეს ქართული ენის ცოდნის დონე და სოციალური უნარები“ - აღნიშნა სკოლის წარმომადგენელმა.
ჟიურიმ გამარჯვებულ გუნდად „თაიგული“ დაასახელა და მათ სამახსოვრო საჩუქრები გადაეცათ, სხვა მონაწილეები კი სიგელებით დაჯილდოვდნენ.
იხილეთ ფოტოები
სკოლების სიახლეები
