გორის მუნიციპალიტეტის ტყვიავის საჯარო სკოლაში დედა ენის დღე აღინიშნა.

ღონისძიების ფარგლებში III(ა) კლასის მოსწავლეებმა ჩაატარეს  ღონისძიება - „ენა ქართული დედაა ჩვენი“ და წაიკითხეს ლექსები; III(ბ) კლასის მოსწავლეებმა მოაწყეს  იაკობ გოგებაშვილის მოთხრობების მიხედვით  შექმნილი ნახატების გამოფენა;  II(ბ) კლასის მოსწავლეებმა კი ღონისძიება - „საქართველოს მთებში გაგაჩინა ზენამ, ხმათა ხავერდების და ღმერთების ენავ“. მოსწავლეებმა წარმოადგინეს დედა ენის თემაზე  შექმნილი ლექსები და სიმღერები .

დედა ენის დღე საქართველოში 1990 წლიდან 14 აპრილს აღინიშნება. 1978 წლის 14 აპრილს კონსტიტუციაში სახელმწიფო ენის შესახებ ჩანაწერის ცვლილების წინააღმდეგ თბილისში სტუდენტური მანიფესტაციები დაიწყო. ცვლილების მიხედვით, საქართველოს რესპუბლიკაში ქართული ენის, როგორც სახელმწიფო ენის სტატუსი უქმდებოდა. მანიფესტაციების შედეგად, ქართულ ენას სახელმწიფო ენის სტატუსი შეუნარჩუნდა.

იხილეთ ფოტოები