რას უნდა მიაქციონ ყურადღება აბიტურიენტებმა ქართული ენისა და ლიტერატურის გამოცდაზე თემის და ესეს წერის დროს და განსაზღვრულია თუ არა პარალელების რაოდენობა? - აღნიშნულ კითხვებზე ქართული ენისა და ლიტერატურის საგნის ჯგუფის ხელმძღვანელი ნანა ლოლაძე პასუხობს.
მისი თქმით, წერითი დავალებების, თხზულებისა და ესეს წერის დროს აბიტურიენტებმა განსაკუთრებული ყურადღება უნდა მიაქციონ დავალების მიცემას და პასუხი არგუმენტირებულად დაასაბუთონ.
„წერითი დავალებების შესრულებისას აბიტურიენტები უნდა შეეცადონ, ზუსტად უპასუხონ დავალების პირობას, მსჯელობა დაასაბუთონ სათანადო არგუმენტებით და ნაშრომში დაცული უნდა იყოს სალიტერატურო ენის ნორმები.
რაც შეეხება პარალელების რაოდენობას, ამ მხრივ აბიტურიენტები შეზღუდული არ არიან. მთავარია, პარალელები ნაწარმოებთან შესაბამისობაში იყოს“, - აცხადებს ნანა ლოლაძე.
