შუახევის რესურსცენტრის ორგანიზებითა და მუნიციპალიტეტის მერიის მხარდაჭერით, დაბა შუახევის საჯარო სკოლაში ინგლისური ენის მუნიციპალური საგნობრივი კონკურსის მეორე ტური გაიმართა.

კონკურსი ჩატარდა 4 ასაკობრივ კატეგორიაში V-VI, VII-VIII, IX-X და XI-XII კლასის მოსწავლეებისათვის.

კონკურსის პირველი ტური ჩატარდა ზოგადსაგანმანათლებლო დაწესებულებებში, სადაც შეირჩა ყველაზე მაღალი ქულის მქონე თითო მოსწავლე ოთხივე კატეგორიაში;

V-VI კლასების კატეგორიაში კონკურსში მონაწილეობდა 16 მოსწავლე, VII-VIII კლასში - 26 მოსწავლე, IX-X კლასში - 27 მოსწავლე, ხოლო XI-XII კლასში - 17 მოსწავლე;

მესამე დასკვნითი ტური გაიმართება 4 მაისს დაბა შუახევის საჯარო სკოლაში.

კონკურსის მეორე ტურის შედეგები გამოქვეყნდება რამდენიმე დღეში.

იხილეთ ფოტოები