ვარხანის სკოლა აქტიურად გამოეხმაურა ადიგენის საგანმანათლებლო რესურსცენტრის ინიციატივას - "გაუხსენი ვარსკვლავი ღვაწლმოსილ მასწავლებელს".
სკოლამ პატივისცემის ნიშნად ვარსკვლავი გაუხსნა ღვაწლმოსილ პედაგოგ ლიანა მინაძეს.
სცენაზე მონაცვლეობით გამოვიდნენ სკოლის სხვადასხვა კლასის მოსწავლეები. მათ მონდომებითა და მოწიწებით წარმოადგინეს თავიანთი ნამუშევრები.
ღონისძიების ფინალურ ნაწილში მოკლე ვიდეოკოლაჟი აჩვენეს. როგორც დამსწრეებმა აღნიშნეს, ღონისძიებამ ტრიუმფალურად ჩაიარა.
ვარხანის სკოლის მოსწავლეები და მასწავლებლები ლიანა მასწავლებელს ჯანმრთელობასა და მხნეობას უსურვებენ.