ნიკო ბაგრატიონის სახელობის მუხრანის N1 სკოლის მოსწავლეებმა მსოფლიო მასშტაბის პროექტში მიიღეს მონაწილეობა
ნიკო ბაგრატიონის სახელობის მუხრანის N1 სკოლის 55 მოსწავლემ მსოფლიო მასშტაბის პროექტში მიიღო მონაწილეობა.
კონკურსი - "დამიხატე მშვიდობა/ Draw me Peace", მოსწავლეთა მიერ ნახატის ენით წარმოდგენილ იდეებს ეძღვნება.
მოსწავლეებმა წარმოაჩინეს საკუთარი ხედვები XXI საუკუნის ისეთ აქტუალურ თემაზე, როგორიც მშვიდობაა.
ნამუშევრების პრეზენტაცია მოეწყო სკოლის დერეფანში.
წარმოდგენილი 57 ნამუშევრიდან, ფარული კენჭისყრის საფუძველზე, კონკურსზე გასაგზავნად შეირჩა მოსწავლეთა მიერ 3, ხოლო მასწავლებელთა მიერ 7 საუკეთესო ნამუშევარი.
სასკოლო კონკურსის და გამოფენის ორგანიზატორია სახვითი და გამოყენებითი ხელოვნების პედაგოგი გიორგი მახათაძე.