შემოდგომაზე მოსწავლეებმა ღონისძიება „შემოდგომის ზეიმი“ გამართეს. მათ შემოდგომის ფერებით დამშვენებულ სცენაზე წელიწადის ყველაზე ბარაქიანი დროის ნობათი გამოფინეს და ჩურჩხელები ამოავლეს. ასევე, შეასრულეს ლექსები და ქართული ტრადიციული ცეკვები. 

 

შემოდგომის შემდეგ ახალი წლის ჯერიც დადგა. სკოლაში ზეიმი „საშობაო ზღაპარი“ გაიმართა. მოსწავლეებმა მუსიკალური ნომრითა და საახალწლო ლექსებით აღნიშნეს დამდეგი ახალი წელი და კოსტუმირებული საახალწლო სპექტაკლი „კონკია“ წარმოადგინეს. ღონისძიება თოვლის ბაბუამ დააგვირგვინა, რომელმაც მოსწავლეებს საჩუქრები გადასცა.