საქართველოს მასშტაბით საგანმანათლებლო დაწესებულების მანდატურობის მსურველებისთვის ვაკანსიები გამოცხადდა.

საგანმანათლებლო დაწესებულების მანდატურის სამსახურის ინფორმაციით, მსურველებს განაცხადის გაგზავნა 24 აპრილიდან 3 მაისის ჩათვლით შეუძლიათ. კანდიდატები რამდენიმე ეტაპს გადიან და ბოლოს შეირჩევიან ის მანდატურები, რომლებიც სპეციალურ მოსამზადებელ კურსს წარმატებით გაივლიან.

მანდატურების შესარჩევ კონკურსში მონაწილეობის უფლება აქვს:

• საქართველოს ქმედუნარიან მოქალაქეს 21 წლის ასაკიდან;
• ნასამართლობის არმქონეს;
• სრული ზოგადი განათლებით პროფესიულ განათლებასთან ერთად ან უმაღლესი  განათლებით;
• სახელმწიფო ენის მცოდნეს;
• სამსახურებრივი მოვალეობის შესასრულებლად შესაბამისი ჯანმრთელობის მდგომარეობით.

მანდატურის შესარჩევი კონკურსის შესახებ დეტალური ინფორმაცია იხილეთ ბმულზე.

შეგახსენებთ, რომ მანდატურების ხელფასი 600 ლარს შეადგენს.