ვანთის საჯარო სკოლაში წიგნისა და საავტორო უფლებების დაცვის საერთაშორისო დღე აღნიშნეს
24-04-2019
თელავის მუნიციპალიტეტის, ვანთის საჯარო სკოლაში წიგნისა და საავტორო უფლებების დაცვის საერთაშორისო დღე აღნიშნეს.
მოსწავლეებმა ბიბლიოთეკა დაათვალიერეს, მოთხრობები წაიკითხეს და თემაზე - „სად შეიძლება გავატაროთ თავისუფალი დრო უკეთესად წიგნთან თუ კომპიუტერთან?“ დისკუსია გამართეს.
სკოლის წარმომადგენლის თქმით, ღონისძიების დამთავრების შემდეგ მოსწავლეებმა აღნიშნეს, რომ დრო სასიამოვნოდ გაატარეს.
იუნესკოს გადაწყვეტილებით 1996 წლის 23 აპრილიდან წიგნისა და საავტორო უფლებების მსოფლიო დღე აღინიშნება. 2003 წელს კი საქართველოც შეუერთდა იმ 80 ქვეყანას, სადაც ეს დღე აღინიშნება.
იხილეთ ფოტოები
სკოლების სიახლეები
