თეთრიწყაროს N1 სკოლის მე-3 კლასის მოსწავლეთა ინიციატივით ჩატარდა  ღონისძიება - ''ვაჩუქოთ ერთმანეთს ტიტები''. 

მოსწავლეებმა გაიხსენეს ის ადამიანები, რომლებმაც 1989 წლის 9 აპრილს სიცოცხლე შესწირეს სამშობლოს თავისუფლებას. ღონისძიების მონაწილეებმა წაიკითხეს ლექსები და დამსწრე საზოგადოებას შეახსენეს, რომ თითოეული გმირის სახელს, რომლებმაც სამშობლოსათვის სიცოცხლე დათმეს, ქართველი ხალხი და საქართველო არ დაივიწყებს.

მოსწავლეებმა ღონისძიებაზე აღნიშნეს, რომ 9 აპრილის ტრაგედიამ დასაბამი მისცა საქართველოს თავისუფლებისა და დამოუკიდებლობის აღდგენის პროცესს.

''1989 წლის 9 აპრილი, დღე, რომელიც ქართველი ხალხის ისტორაში ერთდროულად არის სიხარულისა და ცრემლის დღე. ამ დღეს განსაკუთრებული ადგილი უჭირავს ჩვენი ქვეყნის ისტორიის ფურცლებზე'' - აღნიშნეს მოსწავლეებმა.