თეთრიწყაროს N1 სკოლის მოსწავლეებმა გლობალური დათბობის პრობლემებსა და მისი თავიდან აცილების გზებზე ისაუბრეს
თეთრიწყაროს N1 სკოლაში „ბუნებისმოყვარულთა კლუბმა“, რომელშიც გაერთიანებული არიან II-VIII კლასის მოსწავლეები, ჩაატარა კონფერენცია თემაზე - „გლობალური დათბობა“.
კონფერენციის მიზანი იყო ინფორმაციის მიწოდება იმის შესახებ, თუ რა პრობლემებს იწვევს გლობალური დათბობა და როგორ უნდა მოვიქცეთ ამ პრობლემების თავიდან ასაცილებლად, რა უნდა გავითვალისწინოთ პროცესის შესაჩერებლად ან გასახანგრძლივებლად.
მოსწავლეებმა საზოგადოებას წარუდგინეს ამ თემატიკაზე შექმნილი პრეზენტაციები და ვიდეოკოლაჟი.
შემდგომში გაიმართა კითხვა-პასუხი, მოსწავლეები აქტიურად ჩაერთნენ დისკუსიაში და დააფიქსირეს საკუთარი აზრი არსებულ პრობლემებთან დაკავშირებით.