''დადებითი მუხტი დარბაზში შესვლისთანავე იგრძნობოდა იმ გამოფენის მეშვეობით, რომელიც მაყურებელს დახვდა. აქ ნახავდით გასული საუკუნისა და თანამედროვე მწერლების ნაწარმოებებს: ჯონ გრინი, ლორენ ოლივერი, ჯობინა რულინგი, მარკუს ზუზაკი, მიშელ ფალკოფი, ენ ბრაშერესი და მარად უბერებელი შარლოტა ბრონტე'' - აღნიშნა ამავე სკოლის ფიზიკის მასწავლებელმა მაია თათეშვილმა.

მოსწავლეები ავტორების ბიოგრაფიებს ყვებოდნენ, ყურადღებას ამახვილებდნენ წიგნის მთავარ სათქმელზე, კითხულობდნენ სენტენციებს ამ წიგნებიდან. პროექტი მუსიკალურად იყო გაფორმებული, მონიტორზე შუქდებოდა წიგნებისა და ავტორების ფოტო-მასალა. 

''ქართული ენისა და ლიტერატურის მასწავლებლის მისია მოსწავლეებში წიგნის, მხატვრული ლიტერატურის სიყვარულის გაღვივებააა. სწორედ ამ მიზანს ემსახურებოდა ღონისძიება'' - აღნიშნა ქართული ენისა და ლიტერატურის მასწავლებელმა.

წიგნის მოყვარულები დიდი პატივისცემით მოიხსენიებდნენ პროექტს ''Liberteens''. ის თინეიჯერების ჯგუფია, რომელიც კითხულობს თანამედროვე, პოპულარულ წიგნებს დედანში, ხოლო შემდეგ გამომცემლობა პალიტრა L ქართულ ენაზე გამოსცემს. ამ პროექტის იდეა ეკუთვნის თინათინ ფეიქრიშვილს, რომელმაც ამით ხელი შეუწყო მოზარდი-ახალგაზრდობის წიგნიერების ამაღლებას.

სკოლის დირექტორმა ინგა ვარდიძემ, დირექტორის მოადგილემ ზოია ბალიაშვილმა, ქართული ენისა და ლიტერატურის პედაგოგებმა და მშობლებმა ღონისძიება მაღალ დონეზე შეაფასეს. მათ მასწავლებელ შორენა ცინაძესა და მოსწავლეებს წარმატებები უსურვეს.