თეთრიწყაროს N1 სკოლის სპორტულ დარბაზში, მოსწავლეებში სპორტის პოპულარიზაციის, ნიჭიერ მოსწავლეთა გამოვლენისა და ჯანსაღი ცხოვრების წესის დანერგვის მიზნით, მე-3 კლასის მოსწავლეების მონაწილეობით სპორტული ესტაფეტა მოეწყო.
ესტაფეტას სპორტის მასწავლებელი მარიამ გაჩეჩილაძე ხელმძღვანელობდა.
ესტაფეტაში წარმოდგენილი იყო ისეთი მრავალფეროვანი აქტივობები, როგორებიცაა: ზიგზაგისებრი სირბილი სისწრაფეზე, ასკინკილით ბურთის ტარება, გადაწოდება, კალათში ტყორცნა, სწრაფი სიარული და სხვა.
ღონისძიებამ ორგანიზებულად და ხალისიანად ჩაიარა, დამსწრე სასკოლო საზოგადოების მოწონება დაიმსახურა და მისი ჩატარების მიზნების გაღრმავებისათვის დამატებითი საერთო ინტერესები გააღვივა.
იხილეთ ფოტოები