მასწავლებელთა პროფესიული განვითარების ეროვნული ცენტრი პედაგოგიური კვალიფიკაციის ამაღლებისა და მასწავლებელთა კომპეტენციის დადასტურების გამოცდაზე გასვლის მსურველებისთვის ფასიან ტრენინგებზე რეგისტრაციას აცხადებს.
ტრენინგები განკუთვნილია მათთვის, ვისაც სურვილი აქვს აიმაღლოს პედაგოგიური კვალიფიკაცია და ჩააბაროს მასწავლებელთა კომპეტენციის დადასტურების გამოცდა.
მასწავლებლის სახლის ცნობით, ტრენინგის მონაწილეები გაეცნობიან საგნობრივი და პროფესიული კომპეტენციების დადასტურების საგამოცდო ტესტის სტრუქტურას, ტესტურ დავალებებზე მუშაობის გზით დაადგენენ საკუთარ ძლიერ და სუსტ მხარეებს, რათა უკეთ დაგეგმონ გამოცდებისათვის მზადების პროცესი, დახვეწენ ტესტის შევსების ტექნიკას, შეძლებენ საგნობრივი ცოდნის მობილიზებას.
ტრენინგი არ ანიჭებს კრედიტქულას!
ტრენინგის ხანგრძლივობა 16 საკონტაქტო საათი;
ტრენინგის ღირებულება 160 ლარი.
რეგისტრაციისთვის გადადით ბმულზე. საბანკო რეკვიზიტების შესახებ ინფორმაცია კი იხილეთ მასწავლებლის სახლის ვებ-გვერდზე.
