მასწავლებელთა პროფესიული განვითარების ეროვნული ცენტრი დამწყები პედაგოგების პროფესიული განვითარების მხარდაჭერის მიზნით, ვებინარების ციკლს იწყებს. თემატიკა დაკავშირებული იქნება, როგორც საგნობრივ, ასევე ზოგადპროფესიულ საკითხებთან.
„განმავითარებელი შეფასების“ ვებინარი 17 ოქტომბერს, 16:00 საათზე დაიწყება. ვებინარს ჩაატარებს მასწავლებელთა პროფესიული განვითარების ეროვნული ცენტრის შეფასების ექსპერტი, მარიანა ხუნძაყიშვილი. ხანგრძლივობა - 1 საათი.
ვებინარში მონაწილეობის მისაღებად, საკმარისია გქონდეთ ინტერნეტში ჩართული კომპიუტერი და ყურსასმენები. ვებინარის მიმდინარეობისას თქვენ შესაძლებლობა გექნებათ გაგზავნოთ კითხვები და/ან ჩაერთოთ დისკუსიაში.
17 ოქტომბერს ვებინარის დაწყებამდე 10-15 წუთით ადრე უნდა გადახვიდეთ ბმულზე.
ბმულზე გადასვლის შემდეგ გაიხსენება ფანჯარა, საიდანაც შეძლებთ ჩამოტვირთოთ აპლიკაცია.
იხილეთ ინსტრუქცია დეტალურად
