სადამრიგებლო საათზე საუბარი იყო მარტოხელა და შეზღუდული შესაძლებლობების მქონე ადამიანებზე. მოსწავლეებმა განსაკუთრებული ყურადღება გამოიჩინეს სკოლის დამსახურებული პედაგოგისა და სოფლის კოლორიტის, მზია ქაშაკაშვილის მიმართ. იგი დღეს საწოლსაა მიჯაჭვული. მე-6 კლასელებმა ერთი დღე მასთან გაატარეს. 

მზია ქაშაკაშვილს დიდი წვლილი მიუძღვის სოფლის ახალგაზრდებში ქართული ხალხური საკრავებისა და სიმღერების სიყვარულის გაღვივებაში, იგი მოსწავლეებს კვლავ სიმღერის სიყვარულსა და სიწმინდეზე ესაუბრებოდა.

''ქალბატონ მზიას სადამრიგებლო საათის ფარგლებში ვესტუმრეთ და საოჯახო საქმეებში დავეხმარეთ. ძალიან შთამბეჭდავი და დასამახსოვრებელი დღე იყო როგორც ჩვენთვის, ასევე ქალბატონი მზიასთვის'' - აღნიშნეს მოსწავლეებმა.