თბილისის N74 ბაგა-ბაღის ორ აღსაზრდელს მუნი აღმოაჩნდა. ფაქტს თბილისის ბაგა-ბაღების მართვის სააგენტო ადასტურებს. 

როგორც თბილისის ბაგა-ბაღების მართვის სააგენტოში etaloni.ge-ს განუცხადეს, ბაღში ყველა აუცილებელი სადეზინფექციო სამუშაო ჩატარდა. სააღმზრდელო პროცესი კი არ შეწყვეტილა.

„თბილისის N74-ე ბაგა-ბაღის ორი აღსაზრდელის (დედმამიშვილები) მშობელმა ადმინისტრაციას აცნობა, რომ ბავშვებს ჰქონდათ ჯანმრთელობის პრობლემები. ოჯახმა გამოიჩინა მაღალი მოქალაქეობრივი პასუხისმგებლობა და ბაღს მოგვიანებით შეატყობინა, რომ მათ შვილებს აღმოაჩნდათ დაავადება მუნი და ამ ფაქტის გათვალისწინებით, მიეღოთ შესაბამისი ზომები. ბაღის ადმინისტრაცია დაუკავშირდა საზოგადოებრივი ჯანდაცვის ცენტრს და მათი რეკომენდაციების მიხედვით, ჩაატარა ყველა, აუცილებელი სადეზინფექციო სამუშაო. ფაქტის გამო სააღმზრდელო პროცესი არ შეწყვეტილა“, - აცხადებენ სააგენტოში.