გამოქვეყნდება თუ არა ტესტების სწორი პასუხები მასწავლებელთა გამოცდების შედეგების გასაჯაროებამდე? - „ნაეკის“ პასუხი აპლიკანტებს
13-11-2019
შემოდგომაზე ორგანიზებული გამოცდები 8 ნოემბერს დასრულდა და ახლა ნაშრომების გასწორების პროცესი მიმდინარეობს.
შეფასებისა და გამოცდების ეროვნულმა ცენტრმა ყველა საგნის ტესტები უკვე გამოაქვეყნა, თუმცა სწორი პასუხები და შეფასების სქემები ჯერ ცნობილი არ არის. ტესტირებაზე გასული აპლიკანტები საბოლოო შედეგების გამოქვეყნებამდე, სწორი პასუხების გასაჯაროებას ელოდებიან.
როდის გახდება საჯარო გამოცდაზე გამოყენებული ტესტების სწორი პასუხები? - ამ კითხვით გამოცდაზე გასული პედაგოგებისა და მასწავლებლობის მსურველები etaloni.ge-ს მომართავენ. ამიტომ, მათთვის პასუხის მისაღებად, ჩვენ საგამოცდო ცენტრს დავუკავშირდით.
როგორც ცენტრში განგვიცხადეს, სწორი პასუხები შედეგებთან ერთად გამოქვეყნდება და ცალკე არ დაიდება.
იხილეთ ასევე: ყველა საგნის ტესტები ერთად მათთვის, ვინც მასწავლებელთა გამოცდები ჩააბარა
სკოლების სიახლეები
