საქართველოს განათლების, მეცნიერების, კულტურისა და სპორტის სამინისტროს ინიციატივის ფარგლებში, პროფესიული მომზადება-გადამზადების მოკლევადიან პროგრამებზე მიღება გრძელდება.
პროგრამაზე რეგისტრაცია, დაშვების წინაპირობები და პროგრამების შესახებ დამატებითი ინფორმაციის მიღება შესაძლებელია ვებ გვერდზე: www.vet.emis.ge. ახალი პროგრამებისა და მათზე რეგისტრაციის შესახებ განახლებული ინფორმაცია აღნიშნულ ელექტრონულ პლატფორმაზე მუდმივად განთავსდება.
დაინტერესებულ პირებს შესაძლებლობა ექნებათ დარეგისტრირდნენ კერძო სექტორთან თანამშრომლობის საფუძველზე შემუშავებულ პროფესიული მომზადება-გადამზადების პროგრამებზე და ისწავლონ სახელმწიფოს მიერ სრული ან ნაწილობრივი დაფინანსებით. თბილისისა და აჭარის სახელმწიფო პროფესიულ სასწავლებლებში მომზადება-გადამზადების პროგრამებზე მსმენელთა რეგისტრაცია მიმდინარეობს ტურიზმის, მშენებლობის და ხელოვნების მიმართულებით.
პროგრამების დასრულების შემდეგ კურსდამთავრებულები სახელმწიფოს მიერ აღიარებულ სერთიფიკატს მიიღებენ.
