ღონისძიებაზე საპატიო სტუმრები იყვნენ მოწვეულები - ამავე სკოლის კურსდამთავრებულები, ბათუმის შოთა რუსთაველის სახელობის სახელმწიფო უნივერსიტეტის პროფესორი მურმან გორგოშაძე და ამავე სოფლის ჭიდაობის მასწავლებელი, სპორტსმენი ლევან ქოქოლაძე.

სტუმრებმა მოსწავლეებისათვის საინტერესო საკითხებზე გაამახვილეს ყურადღება - პროფესიის სწორად არჩევა, სასურველი პროფესიის დადებითი და უარყოფითი მხარეების ცოდნა, საკუთარი უნარების და შესაძლებლობების ობიექტურად შეფასება.

შეხვედრა კითხვა-პასუხის რეჟიმში წარიმართა. მურმან გორგოშაძემ ღონისძიებაში მონაწილე მოსწავლეებს სამახსოვრო საჩუქრები და კურსდამთავრებულთა სახელობის თასი გადასცა. როგორც მან აღნიშნა, თასი გარდამავალი იქნება და სხვადასხვა სპორტულ შეჯიბრებაში გამარჯვებულებს გადაეცემა...

სკოლის ადმინისტრაციის თქმით, წარმატებული კურსდამთავრებულების მოწვევა ტრადიციად იქცევა და მსგავსი შეხვედრები მომავალშიც გაგარძელდება.