თბილისის საჯარო საბავშვო ბაგა-ბაღებში საახალწლო არდადეგები 28 დეკემბრს დაიწყება და აღსაზრდელები 13 იანვრის ჩათვლით დაისვენებენ. შესაბამისად, ბაღებში სააღმზრდელო პროცესი 27 დეკემბრის ჩათვლით გაგრძელდება.

როგორც ბაგა-ბაღების მართვის სააგენტოში etaloni.ge-ს განუცხადეს, ზამთრის არდადეგები მხოლოდ ბაღის აღსაზრდელებისთვის არის ხანგრძლივი. რაც შეეხება აღმზრდელებსა და ბაღის სხვა თანამშრომლებს, ისინი საჯარო სამსახურის შესაბამისად, მხოლოდ ოფიაციალურ უქმე დღეებში დაისვენებენ. ამიტომ, მათ ამ პერიოდში დასვენების მხოლოდ სამი დღე - 1, 2 და 7 იანვარი ექნებათ.

აღსანიშნავია, რომ ბაღის თანაშრომლებს შეუძლიათ შვებულება საახალწლოდ გამოიყენონ და დასვენების დღეები სწორედ შვებულების ხარჯზე გაიხანგრძლივონ.