ქუთაისის N12 სკოლაში პედაგოგ მერი სართანიას ორგანიზებით ''ვეფხისტყაოსნის'' საჯარო კითხვა მოეწყო და გაიმართა მოსწავლეთა კონფერენცია თემაზე ''დავჯე, რუსთველმან გავლექსე...''
მე-8 და მე-10 კლასების მოსწავლეებმა შოთა რუსთაველისა და ''ვეფხისტყაოსნის'' შესახებ საინტერესო თემები წარმოადგინეს. გამომსვლელებმა ისაუბრეს პოემის მნიშვნელობაზე ქართველი ერისა და თანამედროვეობის წინაშე, ყურადღება გაამახვილეს პოემაში არსებულ მხატვრულ ხერხებსა და ენობრივ საშუალებებზე.
კონფერენცია მიზნად ისახავდა შოთა რუსთაველის შემოქმედების გააზრებას.