ვახტანგისის N2 სკოლაში თავისუფალი გაკვეთილების ფარგლებში ექსკურსია-გაკვეთილი მოეწყო
15-06-2017
ვახტანგისის N2 სკოლაში თავისუფალი გაკვეთილების ფარგლებში ექსკურსია-გაკვეთილი მოეწყო.
მოსწავლეები რევაზ ინანიშვილის მშობლიურ კუთხეს, ხაშმს ესტუმრნენ, დაათვალიერეს მწერლის კარ-მიდამო, ივრის ხეობა.
განსაკუთრებით საინტერესო და დასამახსოვრებელი აღმოჩნდა რევაზ ინანიშვილის მეგობართან, ნოშრევან ქოქრაშვილთან შეხვედრა. მან მოსწავლეები გულთბილად მიიღო და სიყვარულით გაიხსენა ეპიზოდები რევაზ ინანიშვილის ცხოვრებიდან.
''ძალიან მოგვეწონა ექსკურსია-გაკვეთილი. ბევრი საინტერესო და ჩვენთვის აქამდე უცნობი ფაქტი შევიტყვეთ რევაზ ინინიშვილის შესახებ. განსაკუთრებით დასამახსოვრებელი იყო ბატონ ნოშრევანთან შეხვედრა და გასაუბრება. სურვილი გვაქვს, მსგავსი გაკვეთილები კვლავ განმეორდეს,'' - აღნიშნეს მოსწავლეებმა.