განათლების საერთაშორისო ცენტრი იტალიაში სამაგისტრო და სადოქტორო პროგრამით დაინტერესებულ პირებთან საინფორმაციო შეხვედრებს ჩაატარებს.
ცენტრის ინფორმაციი, საუნივერსიტეტო მხარდაჭერის პროგრამის ფარგლებში, შეხვედრები 20-23 იანვარს გაიმართება. ღონისძიებას სხვადასხვა უმაღლესი სასწავლებლის კურსდამთავრებულები დაესწრებიან, ისინი დეტალურ ინფორმაციას მიიღებენ იტალიის უმაღლეს სასწავლებლებში სამაგისტრო და სადოქტორო საფეხურზე არსებული შესაძლებლობების, გამოწვევებისა და ინოვაციების შესახებ.
„შეხვედრას იტალიაში სამაგისტრო და სადოქტორო პროგრამებით დაინტერესებულ საქართველოს მოქალაქეებთან - მოდენას, აქვილას, ბოლონიის, პიემონტეს უნივერსიტეტების, მილანის პოლიტექნიკური უნივერსიტეტის, მილანის ბიკოჩას უნივერსიტეტის, ასევე, სიენასა და სასარის უნივერსიტეტების წარმომადგენლები ჩაატარებენ, რომლებიც საქართველოში იტალიის საელჩოს მოწვევით ჩამოვლენ.
22 იანვარს, 10 საათზე, პროგრამით დაინტერესებულ საზოგადოებას განათლების საერთაშორისო ცენტრის დირექტორი ნინო ჭელიძე და იტალიის ელჩი საქართველოში ენრიკო ვალვო შეხვდებიან და პროგრამის მიზნებისა და ამოცანების შესახებ ისაუბრებენ.
პროგრამა - „Doctorate Lab - მომავალი დოქტორანტებისათვის’’ ხორციელდება ცენტრის საერთაშორისო პარტნიორების - საქართველოში იტალიის, უნგრეთისა და საფრანგეთის საელჩოების მხარდაჭერით, რომლებიც უზრუნველყოფენ შესაბამისი ქვეყნებიდან უმაღლესი საგანმანათლებლო დაწესებულებების წარმომადგენლების საქართველოში მოწვევას და ვიზიტის ორგანიზებას.
აღნიშნული პროგრამის მიზანია, საქართველოში უმაღლესი განათლების (დოქტორანტურის საგანმანათლებლო საფეხურის) წახალისება/მხარდაჭერა, ხელმისაწვდომობის გაზრდა საერთაშორისო დონეზე. ასევე, ახალგაზრდა მკვლევრების ხელშეწყობა, რათა გაიღრმავონ ცოდნა საერთაშორისო დონეზე დოქტორანტურის საგანმანათლებლო საფეხურზე", - აღნიშნულია განათლების საერთაშორისო ცენტრის განცხადებაში.იხილეთ შეხვედრების განრიგი:
20 იანვარი, 2020
- 10:00-12:00 Università degli Studi di Modena e Reggio Emilia
- 12:00-13:00 შესვენება
- 13:00-15:00 Università degli Studi dell’Aquila
- 10:00-12:00 Alma Mater Studiorum Univeristà di Bologna
- 12:00-13:00 შესვენება
- 13:00-15:00 Università degli Studi del Piemonte Orientale Amedeo Avogadro
- 10:00-12:00 Politecnico di Milano
- 12:00-13:00 შესვენება
- 13:00-15:00 Università degli Studi di Milano-Bicocca
- 09:30-11:30 Università degli Studi di Siena
- 11:30-12:30 შესვენება
- 12:30-14:30 Università degli Studi di Sassari
