ერგეს სკოლაში გამართულ ძალოსნობის ჩემპიონატში 50 მოსწავლე მონაწილეობდა
20-06-2017
ერგეს სკოლაში სასკოლო ჩემპიონატი ჩატარდა ძალოსნობაში - ატაცში.
ჩემპიონატში სხვადასხვა წონით კატეგორიაში 50 მოსწავლე მონაწილეობდა. გამარჯვებულებს სიგელები გადაეცათ.
ერგეს სკოლის დირექტორი ნუგზარ ზოსიძე მოსწავლეებს ულოცავს გამარჯვებას და მომავალშიც წარმატებებს უსურვებს:
''წარმატებები ჩვენო მოსწავლეებო. მჯერა, რომ თქვენი სახით გულიანი ქართველები იზრდებიან, თქვენი სახით საქართველოს მსოფლიო ჩემპიონები ეზრდება'', - აღნიშნა ნუგზარ ზოსიძემ.
ჩემპიონატს სკოლის სპორტის პედაგოგი, სპორტის დამსახურებული მოღვაწე ქაზიმ ქავთარაძე ხელმძღვანელობდა. მისი აღზრდილია ევროპის ჩემპიონატის ვერცხლის მედლის პრიზიორი ატაცში (62 კგ.) არჩილ მალაყმაძე.