VII-VIII და დაწყებითი საფეხურის რამდენიმე საგნის სასკოლო სახელმძღვანელოებზე გრიფირების განაცხადების მიღება 17 თებერვალს დაიწყება
13-02-2020
საბაზო საფეხურის მე-7 და მე-8 კლასის, ასევე დაწყებითი საფეხურის რამდენიმე საგნის სასკოლო სახელმძღვანელოებზე/სერიებზე გრიფირების განაცხადების მიღება 17 თებერვალს დაიწყება და 21 თებერვლის ჩათვლით გაგრძელდება - აღნიშნულ ინფორმაციას განათლების მართვის საინფორმაციო სისტემა ავრცელებს.
უწყების ცნობით, განაცხადების მიღება ელექტრონულად grifireba.emis.ge-ზე იქნება შესაძლებელი. აღნიშნული ფორმით რეგისტრაციის მიზანია სახელმძღვანელოების გრიფირების მართვის ელექტრონიზაცია და გამჭვირვალობის უზრუნველყოფა.
გრიფირების ადმინისტრირების ელექტრონული სისტემის დახვეწის პროცესში გაზიარებულ იქნა პოტენციურ ავტორთა მიერ შემოთავაზებული რეკომენდაციები და წინადადებები.
სკოლების სიახლეები
