2020 წლის მასწავლებელთა გამოცდებზე რეგისტრაცია მარტის პირველ ნახევარში გამოცხადდება - აღნიშნულის შესახებ etaloni.ge-ს შეფასებისა და გამოცდების ეროვნულ ცენტრში განუცხადეს.

მასწავლებელთა კომპეტენციის დადასტურების გამოცდები კი შარშანდელის მსგავსად ივლისის პირველ ნახევარში დაიწყება.

წელს მასწავლებელთა გამოცდების ფორმატში სიახლეები არ იქნება. პედაგოგებსა და პედაგოგობის მსურველები ისეთივე ტიპის გამოცდებს ჩააბარებენ, როგორსაც წინა წლებში აბარებდნენ.

ამასთან, პედაგოგობის მსურველებმა გამოცდის წარმატებით ჩასაარებლად 10 კრედიტქულა უნდა მოიპოვონ რისთვისაც მათ ქულათა 60% უნდა გადალახონ. ხოლო პრაქტიკოს პედაგოგებს, მათ გამოცდაზე 1, 4, 7 ან 10 კრედიტის დაგროვება მოუწევთ. 

როგორც შეფასებისა და გამოცდების ეროვნულმა ცენტრმა განგვიცხადა, 2020 წლის მასწავლებელთა საგამოცდო პროგრამა ცნობილი მოგვიანებით გახდება მანამდე კი იხილეთ:

2019 წლის საგამოცდო პროგრამა საგნების მიხედვით;

2018 წლის მასწავლებელთა კომპეტენციის დასადასტურებელ პროგრამა.