ივანე ჯავახიშვილის სახელობის თბილისის სახელმწიფო უნივერსიტეტმა სასწავლო პროცესის დაწყება 16 მარტამდე გადადო და პრევენციის თვალსაზრისით, უნივერსისტეტის ყველა კორპუსში სადეზინფექციო სამუშაოები ჩატარდება.
განათლების მინისტრმა, მიხეილ ჩხენკელმა უნივერსიტეტებს რეკომენდაცია მისცა, დეზინფექცია ჩაატარონ და თუ ეს მოითხოვს გაზაფხულის სემესტრის დაწყების გადავადებას, თავად განსაზღვრონ სწავლის დაწყების თარიღი.
ამასთან, საქართველოს პრემიერ-მინისტრის ხელმძღვანელობით, კორონავირუსთან დაკავშირებით შექმნილი უწყებათაშორისი საკოორდინაციო საბჭოს მორიგ სხდომაზე გადაწყდა, რომ პროფილაქტიკის მიზნით, ჯანდაცვის სამინისტროს მიერ რეკომენდებული დამატებითი სადეზინფექციო სამუშაოების ჩატარებისთვის, სკოლებში საგაზაფხულო არდადეგები, 9 მარტის ნაცვლად, 2 მარტიდან დაიწყება და 16 მარტამდე გაგრძელდება; ორკვირიანი არდადეგები გამოცხადდა საბავშვო ბაღებშიც.
