პირველკლასელთა რეგისტრაციის პირველი ეტაპი დაიწყო და 16 მარტის ჩათვლით გაგრძელდება.

რეგისტრაციის გავლა შეეძლებათ სპეციალური საგანმანათლებლო საჭიროების მქონე პირებს. 

საქართველოს განათლების, მეცნიერების, კულტურისა და სპორტის სამინისტროს ინფორმაციით, I ეტაპზე დასარეგისტრირებელი ბავშვების მშობლებმა განცხადებით იმ საჯარო სკოლას უნდა მიმართონ, სადაც შვილის შეყვანა სურთ. სკოლის ადმინისტრაცია კი,  ბავშვს განათლების მართვის საინფორმაციო სისტემაში (EMIS) დაარეგისტრირებს.

რეგისტრაციის II ეტაპი, 27 აპრილიდან 8 მაისის ჩათვლით იქნება შესაძლებელი და სკოლაში დარეგისტრირდებიან ის ბავშვები, რომელთა:

• და-ძმა სწავლობს ამ სკოლაში;
• მშობელი სკოლის თანამშრომელია;
• ოჯახიდან ერთდროულად ორი ან მეტი ბავშვი შედის პირველ კლასში.

III ეტაპი-საყოველთაო რეგისტრაცია-13 მაისიდან დაიწყება და 5 ივნისის ჩათვლით გაგრძელდება. IV ეტაპი კი 24 ივნისიდან 10 ივლისის ჩათვლით სკოლებში განხორციელდება.