თავდაპირველად სკოლაში მხოლოდ ორ ათეულ მოსწავლემდე ირიცხებოდა, თუმცა 2011 წლიდან გაიზარდა მოსწავლეთა რაოდენობა, რადგან ზესტაფონიდან ნინოწმინდაში გადმოვიდა წმინდა ნინოს სახელობის ობოლ და მზრუნველობამოკლებულ ბავშვთა სახლი, სკოლის მოსწავლეთა უმრავლესობას სწორედ ამ ბავშვთა სახლის აღსაზრდელები შეადგენენ. 

სკოლაში ირიცხება რამდენიმე სომეხი ეროვნების მოსწავლე, რომლებიც მონდომებულები არიან დაეუფლონ სახელმწიფო ენას. სკოლა ორიენტირებულია მოიძიოს კვალიფიციური კადრი, თანამშრომლობს მასწავლებელთა პროფესიული განვითარების ცენტრის პროგრამა „ასწავლე საქართვლოსთან“ უკვე რამდენიმე წელია, რომლის ფარგლებშიც სკოლაში 11 პროგრამის მასწავლებელია ჩართული. სკოლაში მომუშავე პედაგოგებიდან რვას აქვს უფროსი მასწავლებლის სტატუსი.

მოსწავლეები ხშირად ერთვებიან განათლებისა და მეცნიერების სამინისტროს გამოცხადებულ კონკურსებში და აქვთ გარკვეული წარმატებებიც. გვყავს პროექტ “ეტალონის” გამარჯვებული მოსწავლე, აგრეთვე ჩვენი სკოლის მერვე კლასის მოსწავლის მარიამ რეხვიაშვილის აფიშამ ეროვნული კინოცენტრის პროექტ „კინო სკოლაში“ მოიპოვა გამარჯვება; 

მეცხრე კლასის მოსწავლე მირეი წინწკალაძე კინგსის ქართული ენის ოლიმპიადის ფინალურ ტურის მესამე ეტაპზე გავიდა და საუკეთესო მოსწავლეთა კლუბის წევრი გახდა, ინგლისური ენის მართლწერის კონკურსში მეცხრე კლასის მოსწავლემ აიდა მკრტიჩიანმა დაიკავა პირველი ადგილი რაიონის მასშტაბით.

2016 წელს ნინოწმინდის N4 საჯარო სკოლის საკლასო ოთახების რეკონსტრუქცია განხორციელდა საქართველოში აშშ-ს საელჩოს, საქართველოს განათლების და მეცნიერების სამინისტროსა და საქართველოს თავდაცვის სამინისტროს ერთობლივი ძალისხმევით, შეერთებული შტატებისა და საქართველოს ხალხებს შორის მეგობრობის აღსანიშნავად. 

2016 – 2017 სასწავლო წელი ამ მოვლენისადმი მიძღვნილი საზეიმო ღონისძიებით დაიწყეს, რომელსაც საქართველოში ამერიკის საელჩოსა და თავდაცვის სამინისტროდან მოწვეული სტუმრები ესწრებოდნენ.