ახალი კორონავირუსის გავრცელების პრევენციის მიზნით გაცემული რეკომენდაციების გათვალისწინებით, შეფასებისა და გამოცდების ეროვნულმა ცენტრმა ეროვნული სასწავლო ოლიმპიადის დასკვნითი ტურის ჩატარება რამდენჯერმე გადადო.
იმის გათვალისწინებით, რომ საგანგებო მდგომარეობა 10 მაისამდე ხანგრძლივდება და სასწავლო პროცესის დაწყებაც გადაიდო, Etaloni.ge დაინტერესდა ჩატარდება თუ არა წელს ეროვნული ოლიმპიადის ფინალი?!
როგორც შეფასებისა და გამოცდების ეროვნულ ცენტრში განაცხადეს, ამ ეტაპზე უცნობია როდის ჩატარდება ან საერთოდ ჩატარდება თუ არა 2019-2020 სასწავლო წლის ეროვნული სასწავლო ოლიმპიადა:
„შექმნილი ვითარებიდან გამომდინარე ვერაფერს მოგახსენებთ, ჯერჯერობით არ გვაქვს ინფორმაცია ამის შესახებ. როგორც კი შეიცვლება მდგომაროება და ჩვეულ რიტმში გადავალთ ჩვენს ვებ-გვერდზე განთავსდება ინფორმაცია ოლიმპიადის ჩატარების შესახებ“.
