„საჯარო სკოლის მასწავლებლები საშემოსავლო გადასახადისგან არ გათავისუფლებიან“, - ამის შესახებ etaloni.ge-ს შემოსავლების სამსახურში განუცხადეს. ამავე ინფორმაციას ადასტურებს განათლების, მეცნიერების, კულტურისა და სპორტის სამინისტროც.
საქართველოს ხელისუფლების ანტიკრიზისული სოციალურ-ეკონომიკური გეგმის მიხედვით, საშემოსავლო შეღავათით ისარგებლებენ მხოლოდ კერძო სექტორში მოღვაწე ორგანიზაციები და აღნიშნული შეღავათი არ გავრცელდება საჯარო სექტორში არსებულ ორგანიზაციებზე. ამასთან, ეს არის შეღავათი დამსაქმებლისთვის და არა დასაქმებულისთვის.
ვინც საშემოსავლო გადასახადისგან ვერ გათავისუფლდება მოიცავს:
ვის შეეხება საშემოსავლო გადასახადისგან გათავისუფლება:
საშემოსავლო გადასახადისგან თავისუფლდებიან ის ფიზიკური პირები, რომლებიც დაქირავებით არიან დასაქმებულები და ამ 6 თვიან პერიოდში, თითოეულ თვეში მათი ხელფასი არ აღემატება 1500 ლარს.
აღნიშნული შეღავათის მიზანია, დამსაქმებლებს შეუმცირდეთ ყოველთვიური ხარჯები და ჰქონდეთ შესაძლებლობა მაქსიმალურად მეტი სამუშაო ადგილი შეინარჩუნონ და დაქირავებულ პირებს აუნაზღაურონ მათი ხელფასები;
დამსაქმებელი მოიცავს ყველა ტიპის საწარმოს, მათ შორის, კომპანიებს, საწარმოებს, არასამთავრობო ორგანიზაციებს, ასევე მეწარმე ფიზიკურ პირებს, რომლებსაც დაქირავებული ჰყავთ ფიზიკური პირები, მათი შესრულებული სამუშაოების შესაბამისად უხდიან ხელფასს და ამავდროულად, იხდიან საშემოსავლო გადასახადს.
შეღავათით ისარგებლებენ მხოლოდ კერძო სექტორში მოღვაწე ორგანიზაციები და აღნიშნული შეღავათი არ გავრცელდება საჯარო სექტორში არსებულ ორგანიზაციებზე.