წელს საზაფხულო ბაღებში რეგისტრაცია არ გამოცხადდება. როგორც თბილისის საბავშვო ბაგა-ბაღების სააგენტომ etaloni.ge-სთან განმარტა, ამის მიზეზი პანდემია გახდა.
მათივე ცნობით, სექტემბრამდე ბაღების ფუნქციონირება არ განახლდება.
ცნობისთვის, საზაფხულო ბაღებზე რეგისტრაცია მაისის შუა რიცხვებისთვის ცხადდებოდა და აღსაზრდელებს ივლისში შეეძლოთ ბაღში სიარული. აღნიშნულ მომსახურეობას დაახლოებით 40-მდე ბაღი ახორციელებდა, ხოლო საზაფხულო ბაღებში რეგისტრაცია 13 ათასამდე აღსაზრდელს შეეძლო.
აღსანიშნავია, რომ ახალი 2020-2021 სააღმზრდელო წლისთვის ბავშვების რეგისტრაცია ორ ეტაპად ჩატარდება. პირველი ეტაპი 12 ივნისს 12:00 საათზე დაიწყება და 19 ივნისამდე გაგრძელდება; მეორე ეტაპი კი 19 ივნისს, 12:00 საათიდან დაიწყება.
იხილეთ ასევე: საბავშვო ბაღებში საყოველთაო რეგისტრაცია 19 ივნისს დაიწყება - იხილეთ რეგისტრაციის ეტაპები