პროფესიული ტესტირების ჩატარების დებულებაში ცვლილებები შევიდა. ბრძანებას ხელს განათლების, მეცნიერების, კულტურისა და სპორტის მინისტრი მიხეილ ჩხენკელი აწერს.
ბრძანებაში, ტერმინის - პროფესიული ტესტირება, განმატრების მიხედვით, პროფესიული ტესტირება შესაძლოა ალტერნატიული წესით ჩატარდეს, ასევე, დაწესებულებამ ჩაატაროს კონკურსი ან შერჩევა:
ა) პროფესიული ტესტირება − ამ დებულებით დადგენილი წესით სსიპ − შეფასებისა და გამოცდების ეროვნული ცენტრის (შემდგომში − ცენტრი) მიერ ორგანიზებული ტესტირება (შემდგომში − ტესტირება), ტესტირების ალტერნატიული წესით ჩატარება, ასევე დაწესებულების მიერ ჩატარებული კონკურსი ან შერჩევა;
ბ) აპლიკანტი − პირი, რომელსაც აქვს საქართველოში გაცემული საბაზო ზოგადი განათლების დამადასტურებელი დოკუმენტი ან მასთან გათანაბრებული დოკუმენტი, აკმაყოფილებს პროფესიის სპეციფიკიდან გამომდინარე პროფესიის სტანდარტით/პროფესიული საგანმანათლებლო სტანდარტით დადგენილ დაშვების წინაპირობებს, პროფესიულ ტესტირებაზე გასვლის მიზნებისათვის დარეგისტრირებულია ამ დებულებით დადგენილი წესით და სწავლის გაგრძელებას აპირებს პროფესიულ საგანმანათლებლო პროგრამაზე;“;
გარდა ტერმინებისა, დოკუმენტში განსაზღვრულია არაქართულენოვანი აპლიკანტებისთვის ტესტირების რუსულ, აზერბაიჯანულ ან სომხურ ენებზე ჩატარება და ხელოვნების/სპორტის/ტურიზმის და მასობრივი კომუნიკაციის/ჟურნალისტიკის პროფესიულ საგანმანათლებლო პროგრამებზე კონკურსის გავლის თავისებურებანი.
