გაკონტროლდება თუ არა საგამოცდო ცენტრის გარე პერიმეტრი და მოუწევთ თუ არა გულშემატკივრებს პირბადეების გაკეთება ან დისტანციის დაცვა - etaloni.ge-ს კითხვებს გამოცდების ეროვნული ცენტრის ხელმძღვანელმა სოფიო გორგოძემ უპასუხა და აღნიშნა, რომ შეფასებისა და გამოცდების ეროვნული ცენტრის თანამშრომლები საპატრულო პოლიციასთან ერთად შეეცდებიან საგამოცდო ცენტრის გარე პერიმეტრი გააკონტროლონ და გულშემატკივართა შეჯგუფება არ დაუშვან.
"რაც შეეხება გარე პერიმეტრის გაკონტროლებას, თქვენ იცით რომ უამრავი უწყებაა ჩართული გამოცდების ჩატარების ორგანიზებაში და როგორც წესი საზოგადოებრივი წესრიგის დაცვა და გარე პერიმეტრის გაკონტროლება ევალება საპატრულო პოლიციას. შესაბამისად, შეძლებისდაგვარად ისინი ჩვენს თანამშრომლებთან ერთად ეცდებიან მოუწოდონ გულშემატკივრებს რომ დაიცვან დისტანცია და არ მოხდეს შეჯგუფებები", -განაცხადა სოფიო გორგოძემ.