ეროვნულ გამოცდებში ქიმიაში ჩაჭრილი აბიტურიენტები განათლების სამინისტროს ბარიერის დაწევას სთხოვენ. მათ პროტესტს უერთდებიან და ტესტის სირთულეზე საუბრობენ ის აბიტურიენტებიც, რომლებმაც ზღვარი გადალახეს. 
აბიტურიენტების მოთხოვნაა, გადაიხედოს ტესტები და შედეგები.

აპლიკანტები ამბობენ, რომ წელს ქიმიის გამოცდა რთული იყო და ამას პანდემიისგან გამოწვეული პრობლემები, კარანტინი და ემოციური ფონიც დაერთო. 

ქიმიის გამოცდის ჩასაბარებლად მინიმალური ზღვარი 18.75 ქულა იყო, მაქსიმალური კი - 75.