ორბელის სკოლაში მოსწავლეთა თვითმართველობის არჩევნები ჩატარდა. მასში საბაზო და საშუალო საფეხურის მოსწავლეები მონაწილეობდნენ.

შეიქმნა საარჩევნო კომისია, რომელიც სკოლის მოსწავლეებით დაკომპლექტდა. მათ გამოავლინეს არა მარტო საარჩევნო კანონმდებლობის ზოგადი ცოდნა, არამედ ის უნარ-ჩვევებიც, რომლებიც აუცილებელია კომისიის თითოეული წევრისათვის.

არჩევნებმა ორგანიზებულად და ობიექტურად ჩაიარა. ამას სკოლის წარმომადგენლებიც უსვამენ ხაზს და მოსწავლეებს მადლობას უხდიან:

''მადლობას ვუხდით ჩვენს მოსწავლეებს ასეთი ორგანიზებულობისათვის, ყველაფერმა წესების დაცვით ჩაიარა - გამჭვირვალედ და სამართლიანად.''