ახმეტის მუნიციპალიტეტის სკოლებში საქართველოს ეროვნული ინტელექტ-ჩემპიონატ „ეტალონის“ 2020-2021 სასწავლო წლის სეზონის I ეტაპის ტესტირება ჩატარდა.
შესარჩევ ტურს თითოეულ სკოლაში სპეციალურად შერჩეული „ეტალონის“ პედაგოგები უწევდნენ ორგანიზებას. ისინი დააკვირდნენ ტესტირების პროცესს და შეაფასეს მოსწავლეთა ტესტები.
როგორ წარიმართა „ეტალონის“ შესარჩევი პირველი ტური ახმეტის მუნიციპალიტეტის სკოლებში, ამის გასარკვევად etaloni.ge რესურსცენტრის უფროსს, სკოლის დირექტორებსა და პედაგოგებს დაუკავშირდა:
ახმეტის მუნიციპალიტეტის საგანმანათლებლო რესურსცენტრის უფროსი მანანა ნადიბაიძე:
ტესტირებაში მოსწავლეები მაქსიმალურად ჩართულნი იყვნენ. აქტივობაც მაღალი იყო და პროცესიც ძალიან სასიამოვნო, რადგან „ეტალონის“ ტესტირებაში მონაწილეობა ბავშვებისთვის ყოველთვის სასიხარულოა. ყოველ წელს განსაკუთრებით ელოდებიან. რაც შეეხება შედეგებს, ვნახოთ საბოლოოდ რას გამოავლენენ, იმედი გვაქვს რომ წარმატებას მიაღწევენ.
ბირკიანის საჯარო სკოლის დირექტორი ეთერ წინწალაშვილი:
საკმაოდ ბევრი მოსწავლე იყო ჩართული ტესტირებაში, ყველა კლასიდან. მოსწავლეები საკმაოდ კმაყოფილები იყვნენ თავიანთი ნამუშევრებით და ინტერესით ელიან მეორე ტურს.
ჯოყოლოს საჯარო სკოლა დირექტორი ნაზო ბორჩაშვილი:
ტესტირებამ რეკომენდაციების სრული დაცვით ჩაიარა. მოსწავლეები დიდი ენთუზიაზმით იყვნენ „ეტალონში“ ჩართულები.
ჯოყოლოს საჯარო სკოლა „ეტალონის“ პედაგოგი ნინო წინწალაშვილი:
ზოგადად, უფრო მეტად არიან ხოლმე მოსწავლეები ჩართულნი, თუმცა წელს მოგეხსენებათ რომ განსხვავებული სიტუაციაა. რამდენიმე მოსწავლე სკოლაში ვერ მოვიდა და ამის გამო ვერ მიიღო მონაწილეობა. თუმცა იმ ბავშვებისთვის, რომლებმაც სურვილი გამოხატეს ტესტირება რეკომენდაციების სრული დაცვით ჩატარდა. ტესტირებაში წელს ჩვენი სკოლიდან 11-მა მოსწავლემ მიიღო მონაწილეობა.
ომალოს საჯარო სკოლის დირექტორი იზა ბორჩაშვილი:
ტესტირებამ ძალიან კარგად ჩაირა. რეკომენდაციებიც დაცული იყო და ყველა წესი გათვალისწინებული. ახლა მეორე ტურის ჩასატარებლად ვემზადებით.
ომალოს საჯარო სკოლის „ეტალონის“ პედაგოგი ეკატერინე ალხანაშვილი :
ძალიან კარგად ჩაიარა ტესტირებამ. წელს 14 მოსწავლე მონაწილეობდა და ძალიან კმაყოფილები არიან ბავშვებიც.
ასევე მინდა აღვნიშნო, რომ ტესტირება რეკომენდაციების სრული დაცვით ჩატარდა.
იხილეთ ასევე: ახმეტის სკოლების მოსწავლეთა საყურადღებოდ - ეტალონი
ტესტირების ფოტოები:
