ქარელის მუნიციპალიტეტის სკოლებში საქართველოს ეროვნული ინტელექტ-ჩემპიონატ „ეტალონის“ 2020 წლის I ეტაპის ტესტირება ჩატარდა.
ტესტირება სკოლებში „ეტალონიდან“ მიწოდებული ტესტებისა და ინსტრუქციის შესაბამისად სპეციალურად შერჩეული პედაგოგების მიერ ჩატარდა.
„ეტალონის“ 2020 წლის I ეტაპის ტესტირება მონაწილე სკოლების დირექტორებმა და პედაგოგებმა შეაფასეს:
ქარელის მუნიციპალიტეტის თამარაშენის საჯარო სკოლის დირექტორი ლელა სიდამონიძე:
ტესტირებამ კარგად ჩაიარა. პატარა სკოლა ვართ და მოსწავლეთა რაოდენობაც ცოტა იყო, თუმცა ტესტირების პირველ ტურში მოსწავლეები ხალისით იყვნენ ჩართულნი და შედეგებიც არცთუ ისე ცუდი იყო.
თამარაშენის საჯარო სკოლის „ეტალონის“ პედაგოგი თინათინ წიქარიშვილი:
5 მოსწავლე მონაწილეობდა პირველ ტურში. საკმაოდ მკაცრად ჩავატარეთ ტესტირება, გვინდოდა რომ თავიანთი თავი გამოეცადათ ბოლომდე. რაც გავასწორეთ იმის მიხედვით საკმაოდ კმაყოფილები არიან მოსწავლეები, თუმცა მეორედ რომ გადახედეს დავალებებს უკვე სხვანაირად მშვიდად მიუდგნენ და ამბობდნენ, რომ უფრო კარგი შედეგების მიღებაც შეეძლოთ.
რუისის N3 საჯარო სკოლის დირექტორი მაკა მეტრეველი:
საკმაოდ მაღალი აქტივობა გვქონდა მოსწავლეების. აღსანიშნავია ისიც, რომ სკოლაში სრულად გვქონდა დაცული რეკომენდაციები და ტესტირება წესების სრული დაცვით ჩატარდა.
რუისის N3 საჯარო სკოლის „ეტალონის“ პედაგოგი ტანია სვიანაძე:
მოსწავლეები ტესტირებაში ძალიან აქტიურად იყვნენ ჩართულნი. ვინც მონაწილეობა მიიღო მათ დიდი ინტერესიც ჰქონდათ. ტესტირებაში სულ 20 მოსწავლე იყო ჩართული ჩვენი სკოლიდან და მოუთმენლად ელიან მეორე ტურის ჩატარებას.
ქარელის მუნიციპალიტეტის ტახტისძირის საჯარო სკოლის დირექტორი ნათია ბაციკაძე:
ტესტირებამ კარგად ჩაიარა, შედეგებიც გადავუგზავნეთ „ეტალონის“ ჯგუფს და ახალა პასუხებს ველით. საერთო ჯამში, სულ 10 მოსწავლე იყო ჩართული და მინდა გითხრათ, რომ საკმაოდ კარგად გაართვეს მოსწავლეებმა თავი მოცემულ დავალებებს.
შეგახსენებთ, რომ „ეტალონი“ საქართველოს განათლების, მეცნიერების, კულტურისა და სპორტის სამინისტროსა და საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროების მიერ გაცემული რეგულაციების შესაბამისად, ეპიდსიტუაციიდან გამომდინარე, ეწვევა მუნიციპალიტეტებსა და თვითმმართველ ქალაქებს და ტრადიციულად, „ეტალონელ მოსწავლეებს“ გამოავლენს.
იხილეთ ასევე: ქარელის სკოლების მოსწავლეთა საყურადღებოდ - ეტალონი
ტესტირების ფოტოები:
