"მოსწავლეებმა ემოციებით სავსე დღე აჩუქეს პედაგოგებს. კეთილი სურვილებით, ალალი ღიმილით და გულში ჩამწვდომი  ფრაზებით იყო  დარბაზი სავსე. ხალისით ჩაერთვნენ მოსწავლეები ამ ღონისძიებაში, ცდილობდნენ ყოფილიყვნენ აქტიურები." - აღნიშნავს სკოლის დირექტორი ვერა ოდიკაძე.

 

სკოლის დირექტორმა ადმინისტრაციის დახმარებით, გადაწყვიტა მასწავლებლებისთვის მოეწყო სიურპრიზი.  გაკვეთილების შემდეგ პედაგოგები მიიწვიეს  დარბაზში,  სადაც  მათ დახვდათ ულამაზესად  გაფორმებული  სცენა, ბავშვებით სავსე დარბაზი და სასიამოვნო  ატმოსფერო. 

მოსწავლეები ტაშით და  ფეხზე მდგომები შეეგებნენ პედაგოგებს, მიულოცეს  პროფესიული დღე.
მასწავლებელთა პროფესიული დღე თანამშრომლებს მიულოცა სკოლის დირექტორმა. მან კოლეგებს უსურვა წინსვლა, წარმატებები, დღეგრძელობა, მრავალი თაობის აღზრდა - განათლებაში მონაწილეობის მიღება. 



"გისურვებთ იმ მადლიანი გზის ბოლომდე გავლას, რომელსაც მასწავლებლობა ჰქვია და რომელიც დიდი რწმენით, მუყაითი შრომით და ანთებული გულით მიიღწევა."- დასძინა ქალბატონმა ვერამ.