პრემიერ-მინისტრობის კანდიდატმა გიორგი გახარიამ პარლამენტში სიტყვით გამოსვლისას განაცხადა, რომ განათლების სამინისტროსთვის კულტურის გამოყოფის საკითხზე გადაწყვეტილება მიღებულია.  

„კულტურისა და სპორტის სამინისტროს ცალკე გამოყოფის საკითხზე ბევრი ვიმსჯელეთ და ეს გადაწყვეტილება მიღებულია. კულტურისა და სპორტის სამინისტრო როგორც იყო ადრე განათლების სამინისტროდან გამოიყოფა. ეს დამოკიდებულია იმ საკანონდმებლო და სამართლებრივ პროცედურებზე, რომელიც აუცილებელია და ვფიქრობ, რომ თებერვლის თვეს ეს არ გადასცდება“, - განაცხადა გიორგი გახარიამ.