ეროვნულ სასწავლო გეგმაში ცვლილებები შევიდა. დოკუმენტში დეტალურადაა გაწერილი, როგორ შეფასდებიან მოსწავლეები დისტანციური სწავლების დროს, როგორ უნდა დაწეროს პედაგოგმა სემესტრული ნიშანი. დოკუმენტში ასევე საუბარია, რისი უფლება მიენიჭა სკოლებს.
პანდემიით შექმნილი ვითარების გამო, სასწავლო პროცესი ძირითადად გადავიდა დისტანციური სწავლების ფორმატში. სასწავლო პროცესის დისტანციურად მიმდინარეობის დროს გამოიკვეთა რიგი პრობლემები მოსწავლეების სრულფასოვნად ჩართულობასთან დაკავშირებით, მათი ნაწილი საერთოდ ან ნაწილობრივ ვერ ერთვება სასწავლო პროცესში, აქედან გამომდინარე, დადგა ასეთი მოსწავლეების სემესტრული ქულით შეფასების პრობლემა, რაც გადაიჭრება მომზადებული ცვლილებით.
შეგახსენებთ, რომ მასწავლებლებს 2020-2021 სასწავლო წლის პირველი სემესტრის ნიშნის გამოსაყვანად დრო 12 იანვრამდე აქვთ.
