სიახლე სასწავლო ბადეში - საგანი, რომელიც სამ კლასში სავალდებულო გახდება
07-01-2021
„კომპიუტერული ტექნოლოგიები“ - ასე გადაერქვა სახელი „ინფორმაციული და საკომუნიკაციო ტექნოლოგიებს“, რომელიც აქამდე მხოლოდ I (არჩევითი), V და VI კლასების სასწავლო ბადეში იყო. ხოლო ახალი სახელით პილოტირება 2020-2021 სასწავლო წლის მეორე სემესტრიდან 400-მდე სკოლაში იგეგმება.
აღნიშნული საგანი ახალი სახელით, 2021-2022 სასწავლო წლის პირველი სემესტრიდან სავალდებულო ხდება II, III და IV კლასებში ყველა ქართულენოვან სკოლაში.
ეროვნულ სასწავლო გეგმაში ცვლილების შედეგად, დაწყებითი საფეხურის II, III და IV კლასებში ახალი საგანი „კომპიუტერული ტექნოლოგიები“ 1-საათიანი კვირეული დატვირთვით შევა, რაც სწავლების თანამედროვე მოთხოვნებიდან გამომდინარე, უზრუნველყოფს აღნიშნული საგნის უწყვეტ სწავლებას დაწყებით საფეხურზე.
საგნის დანერგვის დაწყებასთან დაკავშირებით, სკოლამდელი და ზოგადი განათლების განვითარების დეპარტამენტმა მიმართა სამინისტროს ეკონომიკურ დეპარტამენტს საგნის დანერგვის ხარჯების გაანგარიშების თხოვნით, შესაბამისად, ეკონომიკური დეპარტამენტის მიერ დაანგარიშდა საგნის „კომპიუტერული ტექნოლოგიები“ II, III და IV კლასებში წლიური საათების რაოდენობა და შესაბამისი ბიუჯეტი.
ბრძანების პროექტის ავტორი და წარმდგენია საქართველოს განათლების, მეცნიერების, კულტურისა და სპორტის სამინისტრო. უწყება საგნის სწავლების აუცილებლობას პანდემიის ჭრილში განიილავს და საგნობრივ ბადეში მის შემოტანას შემდეგნაირად განმარტავს:
„ახალი კორონავირუსის ფონზე განვითარებულმა მოვლენებმა კიდევ უფრო ნათლად დაგვანახა კომპიუტერულ წიგნიერებასთან დაკავშირებული პრობლემები. დისტანციური სწავლების უზრუნველსაყოფად მოკლე დროში საჭირო იყო შესაბამისი ცოდნის გაზიარება როგორც მასწავლებლებისათვის, ასევე მოსწავლეებისათვის. შემუშავდა საგნის „კომპიუტერული ტექნოლოგიები“ ახალი კონცეფცია, რომელიც ითვალისწინებს პანდემიის პერიოდში ტექნოლოგიებთან დაკავშირებული ცოდნის, გამოცდილების გამყარებასა და სხვა აუცილებელი, XXI საუკუნის შესაბამისი კომპეტენციების დაუფლებას ადრეული ასაკიდანვე. ამიტომაც მნიშვნელოვანია, ახალი თაობა მოვამზადოთ იმ მაღალტექნოლოგიური გარემოსათვის, რომელშიც მას მომავალში მუშაობა და ცხოვრება მოუწევს“.
ასევე დაგაინტერესებთ:
ესგ-ში ცვლილებები შევიდა - სკოლებმა განათლების მინისტრის ბრძანება მიიღეს
სკოლამ ჩაუტაროს დამატებითი მეცადინეობები - როგორ ფასდებიან მოსწავლეები, რომლებიც დისტანციურ სწავლებაში ნაწილობრივ ან საერთოდ ვერ ერთვებოდნენ?
აღნიშნული საგანი ახალი სახელით, 2021-2022 სასწავლო წლის პირველი სემესტრიდან სავალდებულო ხდება II, III და IV კლასებში ყველა ქართულენოვან სკოლაში.
ეროვნულ სასწავლო გეგმაში ცვლილების შედეგად, დაწყებითი საფეხურის II, III და IV კლასებში ახალი საგანი „კომპიუტერული ტექნოლოგიები“ 1-საათიანი კვირეული დატვირთვით შევა, რაც სწავლების თანამედროვე მოთხოვნებიდან გამომდინარე, უზრუნველყოფს აღნიშნული საგნის უწყვეტ სწავლებას დაწყებით საფეხურზე.
საგნის დანერგვის დაწყებასთან დაკავშირებით, სკოლამდელი და ზოგადი განათლების განვითარების დეპარტამენტმა მიმართა სამინისტროს ეკონომიკურ დეპარტამენტს საგნის დანერგვის ხარჯების გაანგარიშების თხოვნით, შესაბამისად, ეკონომიკური დეპარტამენტის მიერ დაანგარიშდა საგნის „კომპიუტერული ტექნოლოგიები“ II, III და IV კლასებში წლიური საათების რაოდენობა და შესაბამისი ბიუჯეტი.
ბრძანების პროექტის ავტორი და წარმდგენია საქართველოს განათლების, მეცნიერების, კულტურისა და სპორტის სამინისტრო. უწყება საგნის სწავლების აუცილებლობას პანდემიის ჭრილში განიილავს და საგნობრივ ბადეში მის შემოტანას შემდეგნაირად განმარტავს:
„ახალი კორონავირუსის ფონზე განვითარებულმა მოვლენებმა კიდევ უფრო ნათლად დაგვანახა კომპიუტერულ წიგნიერებასთან დაკავშირებული პრობლემები. დისტანციური სწავლების უზრუნველსაყოფად მოკლე დროში საჭირო იყო შესაბამისი ცოდნის გაზიარება როგორც მასწავლებლებისათვის, ასევე მოსწავლეებისათვის. შემუშავდა საგნის „კომპიუტერული ტექნოლოგიები“ ახალი კონცეფცია, რომელიც ითვალისწინებს პანდემიის პერიოდში ტექნოლოგიებთან დაკავშირებული ცოდნის, გამოცდილების გამყარებასა და სხვა აუცილებელი, XXI საუკუნის შესაბამისი კომპეტენციების დაუფლებას ადრეული ასაკიდანვე. ამიტომაც მნიშვნელოვანია, ახალი თაობა მოვამზადოთ იმ მაღალტექნოლოგიური გარემოსათვის, რომელშიც მას მომავალში მუშაობა და ცხოვრება მოუწევს“.
ასევე დაგაინტერესებთ:
ესგ-ში ცვლილებები შევიდა - სკოლებმა განათლების მინისტრის ბრძანება მიიღეს
სკოლამ ჩაუტაროს დამატებითი მეცადინეობები - როგორ ფასდებიან მოსწავლეები, რომლებიც დისტანციურ სწავლებაში ნაწილობრივ ან საერთოდ ვერ ერთვებოდნენ?
სკოლების სიახლეები
