1 თებერვლიდან ტრანსპორტი ამუშავდება და სკოლები გაიხსნება - ცვლილება 5 დიდ ქალაქს ეხება
22-01-2021
მთავრობის გადაწყვეტილებით 1 თებერვლიდან ტრანსპორტი ამუშავდება და სკოლები გაიხსნება. ცვლილება 5 ქალაქს ეხება. აღნიშნულის შესახებ საკოორდინაციო საბჭოს სხდომის დასრულების შემდგომ ვიცე-პრემიერმა მაია ცქიტიშვილმა განაცხადა.
„1 თებერვლიდან ბათუმში, ზუგდიდში, ფოთში, გორსა და თელავში აღდგება მუნიციპალური ტრანსპორტის, სკოლების, მაღაზიების და სავაჭრო ცენტრების მუშაობა.
თბილისში, ქუთაისსა და რუსთავში 1 თებერვლიდან განაახლებენ მუშაობას მაღაზიები და სავაჭრო ცენტრები. ყველა ქალაქში ღია და დახურული ბაზრობები გაიხსნება 15 თებერვლიდან. სკოლებისა და მუნიციპალური ტრანსპორტის მუშაობის განახლება დაგეგმილია პირველი მარტიდან“, - განაცხადა ცქიტიშვილმა.
იხილეთ ასევე: თბილისში, ქუთაისსა და რუსთავში საჯარო სკოლები 1 მარტიდან გაიხსნება
საბავშვო ბაღების, უნივერსიტეტებისა და პროფესიული სასწავლებლების გახსნა მარტიდან იგეგმება
მიხეილ ჩხენკელი განმარტავს, რა შემთხვევაში გაიხსნება სკოლები პირველ მარტამდე - დეტალები
მასწავლებლები ორ კვირაში ერთხელ კოვიდტესტს ჩააბარებენ
სკოლების სიახლეები
