კორონავირუსის დაფიქსირების გამო, კიდევ ერთი სკოლა დისტანციურ სწავლებაზე გადავიდა
25-02-2021
ზედა სამების საჯარო სკოლა კორონავირუსის შემთხვევების დაფიქსირების გამო დროებით დაიხურა და დღეიდან სრულიად დისტანციური სწავლების ფორმატზე გადავიდა.
სკოლის დროებით დახურვის გადაწყვეტილება საზოგადოებრივმა ჯანდაცვამ მას შემდეგ მიიღო, რაც გეგმური ტესტირებისას სკოლაში 6 პედაგოგს კორონავირუსი დაუდასტურდა.
„გუშინ ზედა სამების საჯარო სკოლაში მასწავლებლების გეგმური ტესტირებისას სწრაფი ტესტით დადასტურდა 1 შემთხვევა, ეპიდემიოლოგების მიერ პისიარ ტესტირება ჩაუტარდა ახლო კონტაქტებს მასწავლებლებში, რის შედეგადაც დადასტურდა კიდევ 5 შემთხვევა. სკოლა გადადის ონლაინ სწავლებაზე. ეპიდემიოლოგიური კვლევები გაგრძელდება“ - აცხადებენ აჭარის საზოგადოებრივი ჯანდაცვის ცენტრში.
სკოლების სიახლეები
