კორონავირუსის შემთხვევების დაფიქსირების გამო, თბილისში, 42 საბავშვო ბაღი დროებით დახურულია. როგორც ირკვევა, აქამდე 46 საბავშვო ბაღი იყო საკარანტინე რეჟიმში, თუმც 4 უკვე გაიხსნა.

ბაღებმა მუშაობა 1 მარტიდან განაახლეს და სკოლამდელი აღზრდის ყველა დაწესებულებაში მკაცრად იცავენ ჯანდაცვის სამინისტროს მიერ დადგენილ რეგულაციებს, რაც Covid-19-ზე პერსონალის ტესტირებას, ასევე, თერმოსკრინინგსა და სანიტარიული დასუფთავების წესების შესრულებას მოიცავს.