არაშენდის საჯარო სკოლაში „თავისუფალი გაკვეთილის“ ფარგლებში, ისტორიულ ქალაქ ჭერემში მოეწყო გასვლითი ღონისძიება, რომელსაც ქართული ენისა და ლიტერატურის მასწავლებელი ილია ბაწელაშვილი ხელმძღვანელობდა.
ღონისძიება მოზარდებში მოქალაქეობრივ-პატრიოტული ცნობიერების ამაღლებას ისახავდა მიზნად. როგორც სკოლის წარმომადგენლებმა აღნიშნეს, VII-VIII-IX კლასის მოსწავლეებმა, „სიკეთის პატარა დესპანებმა“ გაიაზრეს, რომ სიკეთე სამყაროს ახლებური გაგებაა.
„VII-VIII-IX კლასის მოსწავლეები მოეფერნენ წინაპართა ნაკვალევს: დაალაგეს ვახტანგ გორგასლის შვილის, დაჩის სასახლე, სანთლები დაანთეს დაობლებულ ეკლესიებში, გააცოცხლეს სურათები წარსული ცხოვრებიდან, აღადგინეს ძველი, უკვე დავიწყებას მიცემული ხალხური თამაშები, დააგემოვნეს ცივი, ანკარა წყაროები; შეაგროვეს გარემოს დაცვის კუთხით საინტერესო და საჭირბოროტო ფოტო-მასალა. ბავშვებმა გაიაზრეს, რომ სიკეთე არა მხოლოდ ადამიანებს სჭირდებათ, არამედ სიკეთე სამყაროს ახლებური გაგებაა.“
იხილეთ ფოტოები