სენაკის N1 საჯარო სკოლაში ჩატარებულ შიდაშეფასების გაკვეთილს რამდენიმე მიზანი ჰქონდა
16-11-2017
სენაკის N1 საჯარო სკოლაში შიდაშეფასების გაკვეთილი ისტორიაში ჩატარდა.
გაკვეთილი, რომელის თემა „საქართველოს გაქრისტიანება, პოლიტიკა და სარწმუნოება“ იყო მე-9გ კლასში ჩატარდა.
შიდაშეფასების გაკვეთილი პედაგოგმა ნესტან გოგოხიამ ჩაატარა. როგორც თავად აღნიშნავს, გაკვეთილის რამენიმე მიზანი ჰქონდა: „გაკვეთილზე მოსწავლე მიიღებს ინფორმაციას საქართველოს გაქრისტიანების შესახებ; მოსწავლე დაადგენს და გაანალიზებს მის გამომწვევ მიზეზებს; მოსწავლეს განუვითარდება არგუმენტირებული მსჯელობა და ნაცნობი და უცნობი მასალის ერთმანეთთან დაკავშირების უნარი; მოსწავლე ამ გაკვეთილით აანალიზებს საქართველოში საგარეო და საშინაო ფაქტორების გავლენას საქართველოს გაქრისტიანების პროცესზე.“